Përshkrimi:
Laudato si’ asht enciklikë e Papës Françesku e vitit 2015 që trajton kujdesin për “shtëpinë e përbashkët”, pra mjedisin dhe krijimin. Dokumenti lidh krizën ekologjike me krizën morale e shoqnore, duke theksu se shfrytëzimi i natyrës dhe varfërimi i njerëzve janë pasoja të së njëjtës logjikë egoiste. Ai fton për një ekologji integrale, ku njeriu, natyra, ekonomia dhe kultura shihen si të ndërlidhura, dhe kërkon ndryshim stili jetese, përgjegjësi politike dhe solidaritet global. Ideja qendrore asht se kujdesi për tokën nuk asht modë ideologjike, por detyrim etik e shpirtëror, sepse krijimi asht dhuratë që duhet ruajtë për brezat që vijnë.