VIA VERITATIS

Misericordia et Misera asht letër apostolike e Papës Françesku e vitit 2016, e shpallun në përfundim të Jubileut të Mëshirës, që thekson vazhdimësinë e mëshirës si stil i përhershëm i jetës së Kishës. Dokumenti nënvizon se falja e Zotit nuk mbyllet me një vit jubilar, por duhet të jetë realitet i përditshëm në sakramentin e pajtimit, në jetën baritore dhe në marrëdhëniet njerëzore. Ai fton meshtarët me qenë shenja konkrete të dhembshurisë dhe besimtarët me e jetu mëshirën në veprime konkrete ndaj të dobëtëve e të përjashtuarve. Ideja qendrore asht se mëshira nuk asht përjashtim nga drejtësia, por forca që e shndërron zemrën e njeriut dhe e mban Kishën të hapun ndaj çdo personi që kërkon kthim dhe shpresë.